Countdown to X

"The life I touch for good or ill will touch another life, and that in turn another, until who knows where the trembling stops or in what far place my touch will be felt."

Ngayong Setyembre, isang napakalaki at napaka-kontrobersyal na proyekto ang gagawin ng Magwayen. Sa kauna-unahang pagkakataon ay magsasama-sama ang sampung premyadong direktor ng grupo upang maghatid ng sampung dula na tiyak na pag-uusapan sa buong Pamantasan.

Pinamagatang "X", ito ay maghahabi sa kwento ng iba't-ibang mukha ng buhay at sasalamin sa mga makabuluhang isyu ng lipunan.

Ilan sa mga karakter na dapat nyong paka-abangan ay si TISOY, ang deathrow convict; si MARISSA, ang anak sa labas ng Pangulo ng Pilipinas; sina NONONG at ROLAN, ang mga smoltaym na kriminal; si VERONICA, ang First Lady; at si BIANCA, ang direktor na umibig sa kapwa niya babae.